الكمية تكفي: 4 أشخاص
وقت التحضير: 30 دقيقة
وقت الطهي: 30 دقيقة
المقادير: 1/4 كيلو لحمة مفرومة كيلو كوسا مقدار بشاميل
التحضير: * تجهيز الكوسا:
- نكحت الكوسا بالطريقة المعتادة
- نقطعها بالطول شرائح سميكة نسبيا
- نجيب طاسة كبيرة ونملاها زيت ونحمر الكوسا زى ما بنحمر البطاطس
- وننشلها أول ما لونها يكون دهبى (وبالطريقة دى أضمن عدم نزول سوايل من الكوسا عند الدخول للفرن)
* تجهيز اللحمة المفرومة :
- نعصج اللحمة بالطريقة المعتادة (يعنى بصل مفروم خشن ولحمة مفرومة وبهارات وملح )بس أن دلعتها شويه حطيت فيها (جزر مبشور – مشروم – فلفل ألوان – 2 ملعقة صلصة-خس )
* تجهيز البشاميل:
- ماحبيتش أحمر الدقيق كفايه إنى حمرت الكوسا عملتها زى ما باعمل المهلبيه
- سخنت عدد 2 كوب شوربة ولو الشوربة مش دسمة ممكن نضيف ملعقتين زبدة
- وبعدين جبت كوب دقيق ودوبتها فى2 كوب لبن أو أقل على البارد وبعدين أصفيها
- ولما تبتدى الشوربه تخش فى الغليان نحط الدقيق باللبن المتصفيين
- ونقلب وممكن نضيف 3 جبنة كيرى ودى فكرة أو نضيف قشطة لو موجودة أو كريمة لبانى أنا ضفت 3جبنة مثلثات وجبنة شيدر مطبوخة ضربتهم فى الكبة وأضفتهم عالبشاميل وقلبت لغايه أما قوام البشاميل يتقل
- هنا حنولع الفرن على أعلى درجة يعنى نحمى الفرن لمدة نصف ساعة لو الفرن كبير على ما نجهز البشاميل
الطبخ: * نرص الصينية مع بعض :
- الأول نحط طبقة بشاميل وبعدين طبقة كوسا بس نرش عليها شوية ملح على فلفل
- وبعدين نضيف اللحمة المفرومة المتدلعة
- وبعدين نضيف طبقة كوسا نرش عليها ملح على فلفل
- وبعدين طبقة بشاميل بس نرب عليها بيضتين قبل مابحطها
- هنحط الصينيه فى الفرن على الرف الوسطانى أو فى الرف العالى لو الفرن بتاعك حامى
- على مابتخرج بتاخد حوالى نصف ساعة
- أول ما بتخرج الصينية نغطيها على طول ودى خطوة مهمة جدا لإنها بتخلى الشكل والقوام أحلى
موضوع: طريقه عمل الكوسه بالباشميل